Udalekuak LH 1 - 2 orokorra

Sarrera

Aurten udako zaintza-aisialdi zerbitzuari lehentasuna emanez Lekeitioko Eskola Kirolaren baitan, Lekeitioko Herri Eskola, Azkue Ikastola eta udalak elkarlanean kulturaz, naturaz eta jardueraz betetako udalekuak antolatu ditu.

Herri udalekuaren aurkezpena

Herri udalekuaren aurkezpena egingo da apirilaren 25ean, 18:00etan Azkue aretoan. Bertan udalekuari buruzko zehaztasun guztiak emango dira.

Helburu nagusiak

Uda sasoiari begira zaintza-aisialdi osasuntsu, dibertigarri eta hezitzailea eskaintzea.
Haurren gaitasun fisiko, sozial eta emozionalak garatzea.
Herriak eta inguruak eskaintzen dizkigun aukera kultural, natural eta aktiboak ezagutu eta horiekin gozatzea.
Aisialdia eta elkarbizitza euskaraz sustatzea.

Metodologia

Taldeak 10-15 umek osatuko dituzte.
Bakarkako edo taldekako jarduera gidatuak izango dira.
Jolas librea herriko espazio ezberdinetan burutuko da.
Eguneroko errutinak: sarrera, aurkezpena, jardueren garapena, etxerako prestaketa eta irteera.
Udalekuak euskaraz bideratuko dira.

Zehaztapenak

Plaza kopurua: mugatua izango da.

Zaintza zerbitzua eskainiko da. Informazio gehiago

Izen-ematean lehentasuna izango dute:

1-Lekeition erroldatutakoek
1-Lekeitioko Eskola Kirolean izena emandakoek
2-Gainerakoek izen-emate dataren hurrenkeraren arabera onartuko dira.

Ordutegia : astelehenetik ostiralera, 10:00etatik 14:00etara
Txandak:

1. Ekainak 24 - 28

2. Uztailak 1 - 5

3. Uztailak 8 - 12

4. Uztailak 15 - 19

5. Uztailak 22 - 26

Izen-emateko prozedura:

Erreserba epea: Maiatzak 19 - Izena eman eta gero, posta elektronikora izen-ematearen baieztapen mezua bidaliko da. Horrek ez du esan nahi plaza baieztatuta dagoenik.

Herri udalekuetako plazaren baieztapena: Plaza baieztatu edo ezeztatzeko posta elektroniko bidezko mezuak bidaliko dira maiatzaren 27tik maiatzaren 31ra bitartean. Kanpoan geratzen direnekin itxaron zerrenda bat osatuko da izen-emate hurrenkeraren arabera.

Ordainketak: Ekainaren 3tik 7ra egingo dira kontu korronte honetan:

ES19 2100 3938 2402 0008 6207

Ordainketaren kontzeptuan seme-alaben izen abizenak eta herri udalekuak jartzea ezinbestekoa izango da. Ordainagiria bidali beharko da ondorengo postara: lekeitiokoudalekuak@gmail.com. Data honen barruan ordainketa egiten ez den kasuetan, izen-emate prozesua bertan behera geratuko da eta itxaron zerrendan daudenei eskainiko zaie plaza.

Herri udalekuan plaza dutenen kasuan, udalekua martxan dagoela beste aste baterako izena-emateko aukera egongo da plaza libreak baldin badaude. Plazak hurrenkeraren arabera banatuko dira eta ez da deskonturik aplikatuko.

Prozedura honako hau izango da:

Beranduenez ostegunera arteko epean hurrengo asteko izen-ematea jakinarazi koordinatzaileari.

Ostiralean baieztatuko du koordinatzaileak ea aukera dagoen edo ez.

Astelehena aurretik ordainketa egingo da.

	Lekeition erroldatuak Lekeitioko Eskola Kirolean izena emandakoak	Besteak
1. Astea	75 €	85 €
2. Astea	150 €	160 €
3. Astea	220 €	240 €
4. Astea	290 €	310 €
5. Astea	340 €	370 €

Lekeition erroldatutakoen eta Lekeitioko Eskola Kirolean izena emandakoen kasuan bigarren seme-alabaren izen-ematearen kuotak %10eko deskontua izango du eta hirugarren seme-alaba dohainik.

Herri Udalekuak

LH 1 - 2

2016-2017 jaiotakoak

Jaitsi

Sarrera

Herri udalekuaren aurkezpena

Helburu nagusiak

Metodologia

Zehaztapenak

Izen-emateko prozedura:

ES19 2100 3938 2402 0008 6207

Besteak

1. Astea

2. Astea

3. Astea

4. Astea

5. Astea

Aldaketak eta Bajak

Ordainketa egin ostean bajan eman nahi bada, ez da dirurik itzuliko. Behar bezala justifikatzen ez bada.

Ez da izen-emandako asteen arteko aldaketarako aukerarik emango.

Antolatzaileak

Babesleak

Laguntzaileak